What is Difference Between "Android" and "Android One" ? Explained in Hindi.

What is Difference Between "Android" and "Android One" ? Explained in Hindi.

Android One kya hota hai? Iss ke bare mein kai logo ko nahi pata hai aur kai logon ko iss ke bare puri jankari bhi nahi hai. Android One ke bare mein logon ko bahut saari galat femiyan bhi hai. Aaj hum iss post mein Android One ke bare mein janenge. Aur iss ke sath sath Android aur Android One ke beech difference kya hai aur yeh kaise kam karta hai ?, iss ke bare mein bhi baat karenge.

Jyada tar log samajhte hain Android aur Android One dono ek jaisi hai. Lekin aisa nahi hai aur dono alag hain. Pahele India mein Iss ke bare logon ko pata nahi tha. Peechle saal Xiaomi ne  Mi A1 launch kiya tha. Jis mein Android One diya gaya tha. Aur iss ki wajah se yeh trending mein aaya tha. Mi A1 ke launch hone ke baad, Google ne bataya tha ki, Android One ek simple interface hai. Jiss mein Google Assistant aur doosri sabhi Google Services milti hai. Aur iss mein sabse tez software updates bhi milta hai.
Android One vs Android
Android One

Sabse pahele Android One ko Google ne 2014 mein launch kiya tha. Tab logon ko iss ke bare jyada pata nahin tha.Lekin dheere dheere logon iss ke bare mein pata chalne laga. Agar hum India mein Android One ki baat kare to sabse pahele Micromax, Karbon aur Spice jaisi company ne Google ke sath milkar Android One phone banaya. Jab september 2014 ko India mein paheli baar Android One launch kiya gaya tha, tab unke CEO ne kaha tha yeh khas kar India ke liye hi banaya gaya hai. Lekin baad mein isko Pakistan, Bangladesh, Nepal, Sri Lanka jaise kai countries pe launch kiya gaya.

Android aur Android One Mein Difference Kya Hai ?

Jo smartphone Android One version ke sath aate hain, un sabhi mein Stock Android diya jata hai. In sabhi smartphone ke andar aapko custom UI nahi milta hai. In sabhi mein Google ka official UI milta hai, jo ekdum clean aur smooth hota hai. In smartphone pe aapko faltu ke apps nahi milte.

New Android Updates:

Agar aap ke pass Android One version wala smartphone hai, to aap ko software updates regularly milta hai. For example; agar hum Xiaomi  Mi A1 ki baat karein to yeh Android One ke sath aata hai. Iss phone par regular software updates ke sath Android Oreo ka update bhi aa chuka hai aur company ne kaha ki Android P tak ka update milega.

Android and Android One



Google Ka Role:

Jin smartphones pe aap ko Android One milta hai, un sabhi smartphones ki Hardware ko Google pick karta hai. Jis tarah se Software kaam karta hai, uske hisab se Hardware ko design kiya jata hai. Jo bhi Hardware aur Software Android One smartphone mein use hote hain, un sabhi ko Google design karta hai, jaise ki iss ke khud ke Pixel Smartphone hote hain.

Agar aap sochte hain Android One smartphones mein kuch naya milta hai to aisa nahi hai, iss mein sirf regularly software updates milte hain. Aur sara kaam waise hi hota hai jaise ki Android smartphones mein hote hain.





Post a Comment

2 Comments