Ab Amazon India se Khareed sakte hain JioPhone.

Ab Amazon India se Khareed sakte hain Jio Phone.



Reliance Jio ka most popular phone JioPhone ko ab aap Amazon India se khareed sakte hain. Iss se pahele yeh phone kewal Reliance Digital Store, Reliance Jio Website, MyJio app aur Jio ke partner Retail Store par available hota tha.

JioPhone Amazon India par list ho gaya hai aur iss ka price Rs. 1,500 hai. Jaisa ke hum jaante hain, JioPhone effectively free hai lekin aap ko Rs. 1,500 ka security deposit dena hota hai. Agar aap iss phone ko 3 saal baad return karte hain to aap ko aap ka poora amount refund kar diya jayega.


JioPhone Launch Offers :

Yeh device Jio ka latest Rs. 49 plan ke sath aata hai aur yeh plan especially JioPhone users ke liye hai. Iss plan main aap unlimited voice calls aur data use kar sakte hain 28 din tak. Iss se pahele company ne JioPhone ko announce karne ke sath sath Rs. 153 ka paln bhi introduce kiya tha. Iss paln main aap ko unlimited calls aur 500 MB daily data milta tha 28 din tak lekin company ne ab data ko 1 GB per day kar diya hai.

Amazon ne bhi specific offer launch kar diya hai. Amazon.in par agar aap yeh phone khareedte hain aur Amazon Pay balance se payment karte hain toh aap ko Rs. 50 ka cashback milega apne Amazon Pay wallet par. Yeh offer February 28 tak valid hai.




JioPhone Features :

Reliance Jio ne last year July main first 4G feature phone JioPhone ko launch kiya tha. Iss device main 2.4-inch ka display aur KAI operating system milta hai. Is phone main 2 MP ka rear camera aur 0.3 MP ka front camera diya gaya hai jiss se aap video calls bhi kar sakte hain.

JioPhone Features



JioPhone main 1.2 GHZ dual-core processor milta hai. Iss main 512 MB ka RAM aur 4 GB ka internal storage diya gaya hai aur aap SD card 128 GB tak laga sakte hain. Other features like Wi-Fi, 2000 mAh battery aur NFC digital payments ke liye diya gaya hai. Yeh device Voice Assistant "HelloJio" ke sath aata hai. Aur ab Jio App store main Facebook app bhi available ho gaya hai.

Post a Comment

0 Comments